Сан çинчен юрлатпăр юрă.
Чаплă Чăваш Ен...
Сан яту ытла та ырă,
Çав тери чечен...
Л. Смолина
2009 çулта вăйăра пĕтĕмпе 21964 шкул ачи хутшăнчĕ: Чăваш Республикинчен – 20776, Тутарстанран – 593, Пушкăртран – 562 вĕренекен, Чĕмпĕр тăрăхĕнчен - 16 вĕренекен, Самара тăрăхĕнчен - 15 вĕренекен хăй пултарулăхне кăтартса пачĕ. Çĕнтерÿçĕсене йăлана кĕнĕ йĕркепе Чăваш чĕлхи кунĕнче чысларăмăр.
Кам тăван чĕлхене юратмасть,
Вăл тăван амăшне юратмасть.
Кам тăван амăшне юратмасть,
Вăл тăван халăхне юратмасть.
Кам тăван халăхне юратмасть,
Вăл тăван çĕр-шывне юратмасть. П.Эйзин
Ачаш та çепĕç- çке чĕлхи!
Инçе çĕрте ăна илтеттĕм,
Кĕсле янратнă хĕлĕх-и,
Чĕкеç чĕвĕлтетет-и?-теттĕм.
Ачаш та çепĕç- çке чĕлхи! П.П.Хусанкай
2007 çулта вăйă-конкурс чăваш ачисен чĕрисене тыткăна илчĕ. Вăйăра пĕтĕмпе 14365 шкул ачи хутшăнчĕ: Чăваш Республикинчен – 14365, Тутарстанран – 345, Пушкăртран – 494, Чĕмпĕр тăрăхĕнчен - 239 вĕренекен хăй пултарулăхне кăтартса пачĕ. Пĕрремĕш çитменлĕхсем те курăна пуçларĕç - вĕрентекенсем хăйсем ачасемшĕн ĕçсене шутлама пуçларĕç, вăл ĕçсене пĕтĕмĕшле списокран кăларма тиврĕ. çĕнтерÿçĕсем
Туссем калаçнă чух, тăван чĕлхемĕм,
Шур акăш тĕкĕ евĕр эс çемçе.
Санпа ман халăх чунĕ те илемлĕ
Çÿрет çÿлте те çĕр çинче вĕçсе. Ухсай Яккăвĕ
2006 çулта „Чĕвĕлти чĕкеç” вăйă-конкурс виççĕмĕш хут чăваш ачисене хăй тавра пуçтарать. Конкурса хутшăнакансен шучĕ те нумайланса пырать – 9469 ачана çитет, вăл шутра Чăваш Республикинчен – 8674, Тутарстанран – 221, Пушкăртран – 494, Чĕмпĕр тăрăхĕнчен - 80 вĕренекен хăй пултарулăхне кăтартать.
Çулсеренех вăйă-конкурса тишкерекен кĕнеке тухса пырать, вăл „Чĕвĕлти чĕкеç”-„Чувашская ласточка” ятлă.
„Чĕкеç – илемлĕ те ырă кайăк,чăваш ăна мĕн ĕмĕртен кăмăлланă, хисепленĕ. Халăх сăмахлăхĕнче чĕкеçе час-часах асăнаççĕ - „чĕкеç пек чĕвĕлтетет”, „чĕкеç пек юрлать”, „чĕкеç чĕлхеллĕ çын” теççĕ.
Асăннă вăйăра 2005 çулта пĕтĕмпе 7492 чăваш ачи - Чăваш, Тутар, Пушкăрт республикисенчен, Чĕмпĕр тăрăхĕнчен хутшăннă. Вăл шутра Чăваш Республикинчен – 6631, Тутарстанран – 295, Пушкăртран – 481, Чĕмпĕр тăрăхĕнчен - 85 шкул ачи хăй пултарулăхне кăтартнă. Çĕнтерÿçĕсене ака уйăхĕн 25 – мĕшĕнче Чăваш чĕлхи кунĕнче чысланă.
„Чĕвĕлти чĕкеç” 2004
Сĕвем çумне сĕвем тиреп сăмах,
Пĕр сăмаххи – мерчен, тепри – ахах.
Шăрçа пек юрă ярăмĕ вара.
Пĕр сыпăксăр юхать çавра-çавра. П.П. Хузанкай
2004 çулта „Чĕвĕлти чĕкеç” вăйă-конкурс пĕрремĕш хут иртнĕ. Вăйăра пĕтĕмпе 5431 чăваш ачи - Чăваш, Тутар, Пушкăрт республикисенчен хутшăннă. Вăл шутра Чăваш Республикинчен – 5431, Тутарстанран – 205, Пушкăртран – 90 шкул ачи вăй виçнĕ. „Чĕвĕлти чĕкеç” вăйă-конкурс историйĕпе паллашас тесен презентацине пăхса тухма сĕнетпĕр. Презентаци